“L’emigranti ripartinu” Ottu jorna di festa e ora si vannu ca non è chiú Natali e mancu Capudannu. Ritornanu nta vivi unni c’è negghia e scuru, e c’è un patruni straniu e c’è un travagghiu duru. Unni sunnu chiamati pi ncíuria, terroni, e l’òmini da Sicilia...
More
“L’emigranti ripartinu” Ottu jorna di festa e ora si vannu ca non è chiú Natali e mancu Capudannu. Ritornanu nta vivi unni c’è negghia e scuru, e c’è un patruni straniu e c’è un travagghiu duru. Unni sunnu chiamati pi ncíuria, terroni, e l’òmini da Sicilia non semu genti boni. E partinu cu suli nto trenu senza suli cu cori chi ci doli e un gruppu nni li guli. Nto trenu senza suli cu cori chi ci chianci: “ Addiu bedda Sicilia, oh terra mia d’aranci! Oh terra mia d’aranci d’aranci e di canzuni; u latti mi lu dasti ma pani un mi nni duni.” Partinu a la vintura; i treni sunnu chini; i manu chi salutanu fora di finistrini.
Less
