II түһүмэх Сэрии сылларыгар Фроҥҥа Ийэ I. Төрөөбүтүнэн оҕо ийэтин ньилбэгэр ытаан ньарылаабыта. Ийэ оҕотун көлөһүннээх ытыһыгар бигээбитэ, ыллаабыта уонна эппитэ: - Оҕом барахсан, көмүс ньээкэ уйаҕыттан көччүйэ улааттаххына, аал уоту аҥаарытыаҥ, алаһа...
More
II түһүмэх Сэрии сылларыгар Фроҥҥа Ийэ I. Төрөөбүтүнэн оҕо ийэтин ньилбэгэр ытаан ньарылаабыта. Ийэ оҕотун көлөһүннээх ытыһыгар бигээбитэ, ыллаабыта уонна эппитэ: - Оҕом барахсан, көмүс ньээкэ уйаҕыттан көччүйэ улааттаххына, аал уоту аҥаарытыаҥ, алаһа дьиэни тэриниэҥ. Сиргэ түспүт сэрэбиэйгинэ, окко түспүт оҥоруугунан күн дьонун күөмчүттэн көмүскүөҥ, айыы дьонун алдьархайтан араҥаччылыаҥ. Киһи хара буолаҥҥын кэскиллээх олоҕу тэрийсиэҥ, аҕаҥ аатын алгыстаах суолунан арчылыаҥ, ийэҥ тапталын эҕэрдэ дьайынан эркинниэҥ. Оҕом барахсан улаатан, уолан киһи буоллаххына, киһиэхэ кэрэ ааккынан кэрэхсэтээр, дьоҥҥо дьоһун ааккынан сураҕыраар. Ийэ төлкөтүн истибиттии, оҕо ах барбыта. Кини этин ийэтэ арыынан уҥунуохтаабыта, таҥаска суулаабыта, илдьэн көмүс ньээкэ уйатыгар сытыарбыта. Саха дойдутун ынырык хараҥата түннүгүнэн өҥөйөн турдаҕына, оҕо мичилийэ мичилийэ нухарыйан барбыта. Өлбөт-сүппэт кэнэҕэскилээх уол оҕо төрөөбүтэ ийэҕэ күн тахсыбытыгар тэҥнээҕэ. Сыллар ааспыттара. Үтүө ийэ сылаас тапталы
Less
