BUJLIBÄL P’ÄTYÄTY’AÑ YA’ TYI JOJYIB LAKLUMALTYAK YIK’OTY IWENLEL LAKPI’ÄLOB TYI CHYAPAS 2017 (Wuklujump’ej tyi jobajk’) Ik’aba’ ityejchibal Junlajm (Art.1) Ijojyib laklumal Chyapas ya’äch komol añ yik’oty jiñi xinlumtyak tyi Mejiku, che tyi chänlujunp’ej...
More
BUJLIBÄL P’ÄTYÄTY’AÑ YA’ TYI JOJYIB LAKLUMALTYAK YIK’OTY IWENLEL LAKPI’ÄLOB TYI CHYAPAS 2017 (Wuklujump’ej tyi jobajk’) Ik’aba’ ityejchibal Junlajm (Art.1) Ijojyib laklumal Chyapas ya’äch komol añ yik’oty jiñi xinlumtyak tyi Mejiku, che tyi chänlujunp’ej septiembre tyi 1824 (chämp’ej ichak’al tyi lujunk’al ijobajk’), tsa’ komo mejli tyi ityojlel tyejklum bajche’ mi isajkañ iyajkäntyel iyumäl, cha’añ mi imel iye’tyel tyi laklumaltyak. Ili Chyapas juñ lajal mi iñukesañ majlel ili wenleltyak baki kabäl jujunchajptyak melbaläl tyi biktyilumaltyak tyi kolemlumtyak joñoñlaj, che’äch bajche’ albil ya’ tyi Bujlibäl yik’oty tyi Bujlibäl p’ätyäty’añ tyi komol xinlumatyak tyi Mejiku, che abi ja’el mi ikajel ikäñtyañ, pejtyelel chuki añtyak tyi laklumal che’ bajche’ tye’eltyak, bätye’eltyak, kolem ja’tyak yik’oty yañtyakbä. Cha’lajm (Art. 2) Baki jaxäl ijojyib laklumaltyak k’älä jiñäch icha’añ wäle, kome ya’añ yik’oty komol xinlumtyak tyi Mejiku, cha’añ mi ikajel ichajpañob majlel jiñi p’ätpäty’añ
Less