Ихлас күңелдән Мәктәптәштәр! Туған мәктәбебеҙ - ҡалабыҙҙағы 2-се Башҡорт гимназия-интернаты - инде 80 йыл милләттәштәребеҙҙең балаларын, йәғни халҡыбыҙҙың киләсәген, үҫтергән берҙән-бер белем усағы. Эйе, 1935 йылдан бирле илебеҙ ҙә, мәктәбебеҙ ҙә ниҙәр генә...
More
Ихлас күңелдән Мәктәптәштәр! Туған мәктәбебеҙ - ҡалабыҙҙағы 2-се Башҡорт гимназия-интернаты - инде 80 йыл милләттәштәребеҙҙең балаларын, йәғни халҡыбыҙҙың киләсәген, үҫтергән берҙән-бер белем усағы. Эйе, 1935 йылдан бирле илебеҙ ҙә, мәктәбебеҙ ҙә ниҙәр генә кисермәй. Тик бер нәмә үҙгәрешһеҙ ҡала: лайыҡлы йәшәү өсөн дөрөҫ һуҡмаҡ һайларға өйрәткән уҡытыусы-тәрбиәсе хеҙмәте һәм, ошонда ҡанат нығытып, тормошта үҙ урынын тапҡан уҡыусы рәхмәтелер, тип уйлайым. Бөгөн дә гимназияның үҙ йөҙө, үҙ һүҙе, дәрәжәһе һәм мәртәбәһе бар. Ҡасандыр ветеран-уҡытыусыларбыҙ һалып ҡалдырған ныҡлы нигеҙҙе ҡаҡшатмай, традицияларыбыҙҙы онотмай, заман менән бер ҡатар атларға ынтылабыҙ. Төрлө йылдарҙа беҙҙе бергә туплаған, күңелдәргә ҡанат ҡуйған мәктәпкә рәхим итегеҙ! Йылы хәтирәләр, онотолмаҫ осрашыуҙар һеҙгә! Директор Фәйзуллин Әлфис Ғаяз улы Мәктәбемә Бала саҡтың сағыу шатлығы һин, Тәүге борсолоуы кешенең. Тулҡынланып һинең дәрестәрҙә Күпме янып, күпме өшөнөм. Эй мәктәбем! Һин бит ғүмеремдең Тәү һуҡмағы, тәүге
Less